Mahakama Kuu ya Dodoma imetupilia mbali ombi la Nassari la kufungua kesi dhidi ya Spika wa Bunge (+ Video)

Mahakama Kuu Kanda ya Dodoma imetupilia mbali ombi la Joshua Nassari(CHADEMA) la kufungua kesi ya msingi dhidi ya Spika wa Bunge na Mwanasheria Mkuu wa Serikali ya kupinga kuvuliwa Ubunge‬.

Kesi hiyo ambayo uamuzi wake umetolewa leo katika hatua ya mapingamizi yaliyowasilishwa na upande wa Serikali kupitia Wakili Mkuu wa Serikali imefikia mwisho katika hatua hiyo,

Nassari alivuliwa Ubunge mapema mwezi huu akidaiwa kutohudhuria mikutano mitatu mfululizo bila kutoa taarifa kwa ofisi ya Spika.
Nassari alifungua shauri hilo akidai kuonewa kwani alituma barua kwa ofisi ya Spika wa Bunge akiwajulisha kuhusu kutokuwepo kwake.

Kwa maana hiyo Mahakama imekubaliana na uamuzi wa Spika wa Bunge la Jamuhuri Ya Muungano wa Tanzania, Job Ndugai, wa kufuta nafasi ya ubunge kwa aliyekuwa mbunge wa jimbo la Arumeru Mashariki, Joshua Nasari.